የፖለቲካ ፓርቲዎች አመራሮች ከዋናው ክሳቸው ውጪ ለሁለተኛ ጊዜ የእስራት ቅጣት ተጣለባቸው

ታምሩ ጽጌ

አመራሮቹ ቅጣታቸውን በጭብጨባ ተቀብለዋል

የፌዴራል ከፍተኛ ፍርድ ቤት 19 ወንጀል ችሎት የሰጠውን ብይን በጭብጨባ በመቃወማቸው፣ ‹‹ፍርድ ቤትን በመድፈር ወንጀል›› በአንድ ሳምንት ውስጥ ሁለት ጊዜ የእስራት ቅጣት የተወሰነባቸው የአንድነት፣ የአረናና ሰማያዊ ፓርቲዎች አመራሮች፣ ሁለተኛውንም ቅጣት ረዘም ላሉ ሰከንዶች በማጨብጨብ ውሳኔውን ተቃወሙ፡፡

ከግራ ወደ ቀኝ፤ ዳንኤል ሺበሺ፣ የሺዋስ አሰፋ እና አብርሃ ደስታ

ከግራ ወደ ቀኝ፤ ዳንኤል ሺበሺ፣ የሺዋስ አሰፋ እና አብርሃ ደስታ

የአንድነት አመራር አቶ ዳንኤል ሽበሺና የሰማያዊ ፓርቲ አመራር አቶ የሺዋስ አሰፋ እያንዳንዳቸው በሰባት ወራት ቀላል እስራት ሲቀጡ፣ ‹‹አሻንጉሊት ፍርድ ቤት›› በማለት ፍርድ ቤቱን ተሳድበዋል የተባሉት የአረና ፓርቲ አመራር አቶ አብርሃ ደስታ፣ በዘጠኝ ወራት እስራት እንዲቀጡ ፍርድ ቤቱ መጋቢት 3 ቀን 2007 ዓ.ም. ውሳኔ ሰጥቷል፡፡

አመራሮቹ ከሦስት ቀናት በፊት ማለትም ሁለተኛው የእስራት ቅጣት ከተወሰነባቸው መጋቢት 1 ቀን 2007 ዓ.ም. በፊት ጥፋተኛ በተባሉበት ፍርድ ቤትን የመድፈር ወንጀል (የካቲት 26 ቀን 2007 ዓ.ም.) እያንዳንዳቸው በሰባት ወራት እስራት እንዲቀጡ መወሰኑ ይታወሳል፡፡ በመሆኑም በአንድ ሳምንት ውስጥ የአንድነትና የሰማያዊ ፓርቲ አመራሮች እያንዳንዳቸው በ14 ወራት እስራት ሲቀጡ፣ የአረና ፓርቲ አመራር አቶ አብርሃ ደስታ በድምሩ 16 ወራት ተቀጥተዋል፡፡

በሽብርተኝነት ወንጀል ክስ ተመሥርቶባቸው በማረሚያ ቤት እስር ላይ የሚገኙት እነዚሁ አመራሮች፣ ለፍርድ ቤቱ ያቀረቡት አቤቱታ በብይን ውድቅ ሲደረግባቸው ተቃውሞአቸውን በችሎቱ ውስጥ በጭብጨባ በመግለጻቸው የችሎቱን ሥራ በማወክ፣ ፍርድ ቤቱን በማንጓጠጥና ተራ ስድብ በመሳደብ፣ በአጠቃላይ ፍርድ ቤት በመድፈር ወንጀል ጥፋተኛ የተባሉ ሲሆን፣ የቅጣት ማቅለያ አስተያየትም አልሰጡም፡፡

የመጀመሪያው ቅጣት መጋቢት 1 ቀን 2007 ዓ.ም. ሲጣልባቸው ከማጨብጨባቸውም በተጨማሪ፣ ፍርድ ቤቱን ‹‹አሻንጉሊት ፍርድ ቤት›› በማለት በመሳደባቸው፣ ባለተለመደ ሁኔታ የፍርድ ቤቱን አሠራር ማወካቸውን ፍርድ ቤቱ በውሳኔው አስረድቷል፡፡ ፍርድ ቤቱ አመራሮቹ ያደረጉትን ፍርድ ቤት የማወክ ተግባር ሲመረምረው ከባድ የወንጀል ድርጊት ሥር የሚወድቅ ሆኖ እንዳገኘው አስታውቋል፡፡ ነገር ግን ዓቃቤ ሕግም ባላመለከተበት ጉዳይ የቅጣት ማክበጃ አስተያየት እንደማይሰጥ በመግለጹ፣ የወንጀል ድርጊቱን ዝቅተኛ በሚል መያዙን ፍርድ ቤቱ አስረድቷል፡፡ በመሆኑም በአመራሮቹ ላይ ከላይ የተገለጸውን የእስራት ቅጣት መወሰኑን ግልጽ አድርጓል፡፡ ፍርድ ቤቱ ውሳኔውን ሲያስታውቅ ቅጣት የተጣለባቸው አመራሮቹ ረዘም ላሉ ሰከንዶች ያጨበጨቡ ቢሆንም በዝምታ አልፏቸዋል፡፡ እነሱ በተከሰሱበት የሽብርተኝነት ወንጀል ከተከሰሱት ውስጥ ሰባተኛ ተከሳሽ አቶ አብርሃም ሰለሞን ክሱ እንዲሻሻል ባቀረቡት መቃወሚያ መሠረት ዓቃቤ ሕግ ማሻሻሉ በመረጋገጡ፣ አሥሩም ተጠርጣሪዎች የእምነት ክህደት ቃላቸውን እንዲሰጡ ለመጋቢት 10 ቀን 2007 ዓ.ም. ቀጠሮ ተሰጥቷል፡፡

ምንጭ፡- ሪፖርተር ጋዜጣ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: